Mahal Kita
-tami-


Para sa’yo, ako’y kaibigan mo
Ngunit di ko na kayang itago
Itong nadarama ko para sa’yo
Ang maipakita at sabihing ikay’y mahal ko.

Subalit ako’y nag-aalinlangan
Kung dapat mo nga bang malaman
Ang tunay kong nararamdaman
Na sa’yo lamang nakalaan

Isang araw, sinabi mong iyo nang natagpuan
Ang babaing iyong pakakasalan
Sinabi ko, ako’y nasisiyahan
Pero ang totoo, ako’y nagdaramdam.

Nakita mo ang lungkot sa’king mga mata
At tinanong kung anong problema?
Unti-unti’y, pumatak ang mga luha
Mula sa naghihinagpis kong mga mata.

Ngayon alam mo na
Ang tunay kong nadarama
Na mahal kita, sinta
Kahit may mahal ka ng iba.

Ngunit huwag kang mag-alala
Puso ko’y di na umaasa
Na mahalin mo gaya ng pagmamahal mo sa kanya
Sa halip, pipilitin kong ika’y kalimutan na

Ngunit lagi mong tatandaan
Ako’y laging naririyan
Nagmamahal sa’yo ng lubusan
Kahit hanggang kaibigan lang.